Sigulanon

Lapay

Katahom lantawon san
Lapay sa Baybayon.
Usad na langgam
Abo kag itom
An kolor niya
Seksi an tindog
Hataas kun kitaon
Pino an hiwag
Halaba an tuka
Halaba an guramoy
Pero, maikmat tumuka
Pag nakita niya
An usad na
Isda sa lim-awan.
Pagpiyong san adlaw,
Malupad sa panganuron
Pakadto sa kahoy
Na iya huhugdunan;
Didto sa katunggan,
Didto siya mapahuway,
Maturog sin matoninong;
Mamundo kun iisipon--
An istaran niya
Halapit sa baybayon.
Pagtumba san adlaw
Sa may kanaway,
Ako nagahulat saiya
Sa may baybayon
Kay akon lalantawon.
Katahom lantawon san
Lapay sa Baybayon.

October 7, 2009; 1:58 AM

Almeda's Boardinghouse

EM's Barrio 1, Legazpi City