Burobangkaso

Burobangkaso

Usad na isla
Na amon aatamanon;
Nag-uslot sa tunga
San lawod san
Guiwanon kag togoron;
Bagan barko na
Nakabara sa intermedio.
Sa pagpiyong ko;
Sa pagmuklat ko--
Hasta niyan ada
Man siya guihapon;
Dili mapalid bisan
Abutan pa san
Makusog na alipuros.
Bisan haplakan san
Daragko na balud
Mahunit man guihapon;
Daog pa an
Tawo kun iisipon.
Isla lang siya
Kun aton kikitaon
Pero aton dumdumon
Nakahatag siya sin
Labaw na kalipayon.
Kun nano man
Kasilaw san iya
Maraga na baybayon
Irog man an
Iya pagkamoot kada
usad sa aton.
Usad na isla
Na amon papalanggaon.

October 7, 2009; 12:57

Almeda's Boardinghouse

EM's Barrio 1, Legazpi City