Desiderio

i.

Usad ako na babayi,
naka-istar sa may

baybay halapit sa

halapad na hubasan.

Baga an kadlagan!

ii.

Usad sin adlaw,

igwa’n usad na

soltero na paratubli.

Nag-apeki sa akon---

dayon man siya

sa akon nakigkilala.

Desiderio daw an

tawag ko saiya.

iii.

Utro na adlaw,

aw, nanagunhas ako;

nangarat ako kay

nanubli man siya.

Pakakita sa akon,

nagduko lang ako.

Aw, nano--- kay

pagduko ko, san

matunok man ako.

iv.

“Adoy! Adoy! Adoy!”

an kurarat ko.

“Naano ka?” an

hunga sa akon.

“Adoy, natunok ako!”

an pakimalooy ko.

“Kadi, ihian ko.”

An iya hangyo.

v.

Ay, sus meyo,

gasi ko sadto---

natubli na ako;

maayo ngani kay

adto si Desiderio,

nabulong an ngutngot

san rara hali sa

tunok san tayom.

vi.

Usad ako na babayi---

naka-istar sa may

baybay halapit sa

halapad na hubasan.

Baga an Kalangitan!