Wara'n True Love

i.
Wara'n true love
kay sabi ninda
an pagkamuot wara'n irong
wara'n baba, wara'n

ii.
talinga, wara'n mata
gusto sabihon---buta.
Love is blind.
Siya, may bayhon
pero uripon, may
irong pero wara'n
hinangos, may baba
pero wara'n boses

iii.
may talinga pero
bungol, may mata
pero hasta niyan
buta. Buta, bungol
dili nakikita, dili
nababatian an tagubtob
san akon kapuso
pun'ok san dugo
nagapat'os, utod buhay.

iv.
Nano pa an
pulos san akon
mga ugat kun
wara na'n pulso
an akon kaila
saiya? Nano pa
an gahom san
pagkamuot kun ako

v.
lang an namumuot
saiya? Ano'n klasi'n
pagdusa an angay
ko himuon kay
agod sabihon na
namumuot ako saiya
sugad man siya
sa akon ginhawa?

vi.
Wara'n true love
kay kita magbubulag.
Akuon mo saimo
sadiri na ako
dili para saimo.



11 Pebrero 2016
10:56am
Office of the Principal
Teresita C. Young MHS
Sawang, Aroroy, Masbate